• ໂຕໂຍຕ້າ ແນະນໍາລົດລຸ້ນໃໝ່ Only Camry ແລະ All New VIOS

ໂດຍ: Admin Mahason 13 ພະຈິກ 2017 (12.23 ນ.) Read : 502

ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ໄດ້ຈັດງານເປີດໂຕລົດລຸ້ນໃໝ່ຫຼ້າສຸດຂຶ້ນ ໃນວັນທີ 18 ຕຸລາ 2017 ຜ່ານມາ ຢູ່ທີ່ໂຮງແຮມ ຄລາວ ພລາຊາ ວຽງຈັນ. ໂດຍການເປັນປະທານເຂົ້າຮ່ວມໄດ້ແກ່: ທ່ານ ວິຊຽນ ເອມປະເສີດສຸກ ປະທານບໍລິຫານ ແລະທ່ານ ປະກອນ ວົງວິທະຍາພິລົມ ປະທານຝ່າຍປະຕິບັດການ ສໍານັກງານເຂດພາກພື້ນແມ່ນໍ້າຂອງ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ພ້ອມດ້ວຍຕົວແທນສາຂາ ແລະແຂກຖືກເຊີນເຂົ້າຮ່ວມ. 

ໂຕໂຍຕ້າ ໄດ້ແນະນໍາລົດລຸ້ນໃໝ່ 2 ລຸ້ນນໍາກັນຄື: “All New VIOS” ເລີ່ມຕົ້ນໃຫ້ຊີວິດທັນສະໄໝ ທີ່ມາພ້ອມຮູບລັກສະນະການອອກແບບໃໝ່ໝົດທັງຄັນ, ພາຍນອກສະປອດງົດງາມ, ພາຍໃນງາມສະດຸດຕາ ກວ້າງຂວາງສະດວກສະບາຍ, ມີສະມັດຕະພາບການຂັບຂີ່ທີ່ດີຂຶ້ນ, ເຄື່ອງຈັກທີ່ເປັນມິດກັບສິ່ງແວດລ້ອມ ແລະທີ່ສໍາຄັນປະຢັດນໍາມັນ ພ້ອມທັງເພີ່ມຄວາມໝັ້ນໃຈໃນການຂັບຂີ່ດ້ວຍລະບົບຄວາມປອດໄພ ທີ່ໄດ້ມາດຕະຖານດີກວ່າລົດລະດັບດຽວກັນ. 

All New VIOS ມີໃຫ້ເລືອທັງໝົດ 8 ສີ ພ້ອມສີພາຍໃນໃຫ້ເລືອກ 2 ສີ. ລາຄາເລີ່ມຕົ້ນສໍາຫຼັບລະບົບເກຼຍທໍາມະດາ $ 19,300 ແລະລະບົບໂອໂມເມຕິກ $ 21,600. ສ່ວນລົດລຸ້ນ “Only Camry” ເປັນລົດລຸ້ນປັບປຸງໃໝ່ ທີ່ມາພ້ອມຄວາມສົມບູນແບບ ສະທ້ອນຄວາມເປັນຜູ້ນໍາຢ່າງໂດດເດັ່ນ, ສະດວກສະບາຍດ້ວຍອຸປະກອນອໍານວຍຄວາມສະດວກຄົບຖ້ວນ ພ້ອມລະບົບຄວາມປອດໄພມາດຕະຖານລະດັບສາກົນ. ລາຄາເລີ່ມຕົ້ນສໍາຫຼັບລຸ້ນ OLTD $ 44,000 ແລະລຸ້ນ 2.5V $ 50,900. ສາມາດສໍາຜັດຕົວຈິງໄດ້ແລ້ວທີ່ຕົວແທນຈໍາໜ່າຍ ໂຕໄຍຕ້າທົ່ວປະເທດ.

ທີ່ມາ:
  • ຮູບພາບ