• ແພດທ້ອງຖິ່ນ ຮຽນຮູ້ການໃຫ້ຄຳປຶກສາກວດເລືອດ ຫາເຊື້ອ HIV

ໂດຍ: ສີເປື້ອນມື 28 ພຶດສະພາ 2020 (14.42 ນ.) Read : 366

ສູນວັນນະໂລກຮ່ວມກັບ ສູນຕ້ານເອດ ແລະ ພະຍາດຕິດຕໍ່ທາງເພດສຳພັນ ແລະ ສູນວິເຄາະລະບາດວິທະຍາ ໄດ້ຈັດຊຸດຝຶກອົບຮົມການໃຫ້ຄຳປຶກສາກວດເລືອດຊອກຫາ ການຕິດເຊື້ອ ເອັສໄອວີ(HIV) ໃນຄົນເຈັບທີມີອາການ ປ່ວຍເປັນວັນນະໂລກ ຕິດເຊື້ອຮ່ວມ(TB/HIV) ດ້ວຍຄວາມສະໝັກໃຈ ໃຫ້ພະນັກງານ ແພດ ແລະ ວິເຄາະ ຂັ້ນເມືອງ ແລະ ແຂວງ ຢູ່ແຂວງບໍລິຄຳໄຊ ແລະ ແຂວງຊຽງຂວາງ.
ຊຶ່ງຈັດຂຶ້ນ ໃນລະຫວ່າງວັນທີ 26-28 ພຶດສະພາ 20 ທີ່ຫ້ອງປະຊຸມພະແນກສາທາລະນະສຸກແຂວງບໍລິຄຳໄຊ ໂດຍມີນັກສຳມະນາກອນເຂົ້າຮ່ວມຈຳນວນ 20 ກວ່າຄົນ.
ຊຸດຝຶກອົບຮົມຄັ້ງນີ້ ຜູ້ເຂົ້າຮ່ວມຍັງໄດ້ຝຶກປະຕິບັດການໃຫ້ຄຳປຶກສາ ແລະ ການກວດເລືອດ, ການອ່ານຜົນຂອງການກວດເລືອດ, ການປ້ອງກັນຕົວເອງໃນເວລາປະຕິບັດງານ ແລະ ພ້ອມຮຽນຮູ້ການປ້ອງກັນ ພະຍາດໂກວິດ 19 ໄປພ້ອມກັນອີກ.
ຂ່າວ:ມະນີທອນ

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ