• ພຣູເດັນໂຊລ໌ ເປີດໂຕນໍາໃຊ້ແອັບ Pulse ເພື່ອສຸຂະພາບ ຄັ້ງທຳອິດໃນລາວ

ໂດຍ: ສີເປື້ອນມື 21 ຕຸລາ 2020 (16.07 ນ.) Read : 915

ໃນວັນທີ 19 ຕຸລາ 2020 ທີ່ຜ່ານມາ ບໍລິສັດ ພຣູເດັນໂຊລ໌ ປະກັນໄພຊີວິດລາວ ຈຳກັດ ໄດ້ຈັດງານເປິດໂຕ ເພົ້າສ໌ ແອັບພິເຄເຊິນ (Pulse Application by prudential) ຢ່າງເປັນທາງການ ທີ່ໂຮງແຮມ ຄລາວ ພລາຊາ ນະຄອນຫຼວງວຽງຈັນ. ພາຍໃຕ້ການນຳພາໂດຍ ທ່ານ ວິເຈ ມັດດາວັນ, ຜູ້ອຳນວຍການໃຫຍ່ຂອງ ບໍລິສັດ ພຣູເດັນໂຊລ໌ ລາວ ແລະໄດ້ໃຫ້ກຽດເຂົ້າຮ່ວມໂດຍ: ທ່ານ H.E. John Pearson ເອກອັກຄະລັດຖະທູດ ປະເທດອັງກິດປະຈຳປະເທດລາວ, ຕາງໜ້າ ກະຊວງສາທາລະນະສຸກ, ຕາງໜ້າກະຊວງ ການເງິນ, ຕາງໜ້າ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ແລະຕ່າງໜ້າ ກະຊວງ ແຜນການ ແລະ ການລົງທຶນ.

ເພົ້າສ໌ (Pulse) ເປັນແອັບພິເຄເຊີນ ທີ່ນຳໃຊ້ລະບົບ ປັນຍາປະດິດ ຫຼື AI ເປັນເຄື່ອງມືໃນການໃຫ້ຂໍ້ມູນຢ່າງຖືກຕ້ອງຊັດເຈນໃຫ້ກັບຜູ້ໃຊ້ຕະຫຼອດເວລາ ເຊິ່ງຈະເປັນແອັບພິເຄເຊິນທໍາອິດໃນລາວ ທີ່ຊ່ວຍໃຫ້ຜູ້ໃຊ້ຮູ້ຈັກວິທີການຈັດການດ້ານສຸຂະພາບໂດຍບໍ່ມີການເສຍຄ່າໃຊ້ຈ່າຍໃດໆ. ຜູ້ໃຊ້ສາມາດເຂົ້າເຖິງຂໍ້ມູນດ້ານສຸຂະພາບ ແລະສາມາດຊອກຫາຂໍ້ມູນ ໂຮງໝໍ ແລະຄລີນິກ ທີ່ໃກ້ຄຽງໄດ້ໃນຍາມສຸກເສີນ.

ທ່ານ ວິເຈ ມັດດາວັນ ຜູ້ອຳນວຍການໃຫຍ່ຂອງ ບໍລິສັດ ພຣູເດັນໂຊລ໌ ລາວ ໄດ້ກ່າວວ່າ: ຕັ້ງແຕ່ປີ 2016 ທີ່ບໍລິສັດຂອງພວກເຮົາ ໄດ້ເລີ່ມດຳເນີນທຸລະກິດໃນລາວ, ພຣູເດັນໂຊລ໌ ລາວ ບໍ່ພຽງແຕ່ທີ່ຈະຮັກສາຄຳໜັ້ນສັນຍາ ທີ່ຈະຊ່ວຍດູແລຮັກສາດ້ານການເງິນ ແຕ່ຈະຊ່ວຍຄົນລາວ ຮັກສາສຸຂະພາບ ແລະການດຳລົງຊີວີດທີ່ດີເຊັ່ນກັນ.

ພວກເຮົາເຊື່ອໝັ້ນວ່າ ການປ້ອງກັນແມ່ນດີກວ່າການຮັກສາ”, ແລະນັ້ນເປັນສາເຫດທີ່ ພຣູເດັນໂຊລ໌ ລາວ ໄດ້ພັດທະນາ ເພົ້າສ໌ ແອັບພິເຄເຊິນ ເພື່ອເຮັດໃຫ້ການດູແລສຸຂະພາບເປັນສິ່ງທີ່ສາມາດເຂົ້າເຖິງໄດ້ງ່າຍສຳລັບທຸກໆຄົນໃນອາຊີ ລວມທັງຄົນລາວທຸກຄົນ”.

ເພົ້າສ໌ ແອັບພິເຄເຊິນ ນຳໃຊ້ແລ້ວໃນ 11 ປະເທດ ທົ່ວອາຊີ ທີ່ຢູ່ໃນເຄືອຂອງ Prudential Corporate Asia ເຊັ່ນ: ກຳປູເຈຍ, ຮົງກົງ, ອິນໂດເນເຊຍ, ລາວ, ມາເລເຊຍ, ມຽນມາ, ຟິລິບປີນ, ສິງກະໂປ, ໄຕ້ຫວັນ, ໄທ ແລະຫວຽດນາມ. ນັບຕັ້ງແຕ່ມື້ເປີດໂຕມາຮອດປັດຈຸບັນ ເພົ້າສ໌ ແອັບພິເຄເຊິນ ມີຍອດດາວໂຫຼດຫຼາຍກວ່າ 9 ລ້ານເທື່ອ ໃນຂົງເຂດອາຊີ. ເພົ້າສ໌ ແອັບພິເຄເຊິນ ສາມາດດາວໂຫຼດໄດ້ໃນ Apple/Google Play stores ຂອງປະເທດລາວ

ສຳລັບຂໍ້ມູນເພີ່ມຕື່ມ ແລະສາມາດດາວໂຫຼດ ເພົ້າສ໌ ແອັບພິເຄເຊິນ ໄດ້ທີ່ເວັບໄຊ www.wedopulse.com


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ