• ຮ້ານປີ້ງແບ້ ແກ້ວຄູນເມືອງ ເປີດສາຂາ 2 ຮອງຮັບລູກຄ້າ

ໂດຍ: ສີເປື້ອນມື 21 ຕຸລາ 2020 (16.31 ນ.) Read : 1,330

ເປີດແລ້ວ ຮ້ານປີ້ງແບ້ ແກ້ວຄູນເມືອງ ສາຂາ 2 ເຊິ່ງເປັນປີ້ງແບ້ທີ່ມີຊີ້ນນຸ້ມ, ຫອມ ແລະມາພ້ອມນໍ້າແຈ່ວສູດເດັດ ສະເພາະຮ້ານນີ້ຮ້ານດຽວເທົ່ານັ້ນ ໃນນະຄອນຫຼວງວຽງຈັນ ທີ່ທ່ານຈະໄດ້ຊີມລົດຊາດ ທີ່ ແກ້ວຄູນເມືອງ ສາຂາ 2. 

ປີ້ງແບ້ ແມ່ນອາຫານທີ່ບົ່ງບອກເຖິງລົດສະນິຍົມຂອງຄົນທີ່ມີລະດັບ, ຮັກສຸຂະພາບ ແລະລົດຊາດອາຫານຊັ້ນເລີດ.


      ປີ້ງແບ້ ຖືວ່າເປັນອາຫານທີ່ຜູ້ຄົນກຳລັງໃຫ້ຄວາມສົນໃຈ ແລະເປັນອາຫານຍອດນິຍົມຂອງກຸ່ມຄົນຈໍານວນຫຼາຍ ໂດຍຮ້ານປີ້ງແບ້ ແກ້ວຄູນເມືອງ ກໍເປັນອີກຮ້ານໜຶ່ງທີ່ມີເອກະລັກສະເພາະທີ່ບໍ່ຊໍ້າແບບໃຜ ໂດຍສະເພາະແມ່ນການໝັກຊີ້ນແບ້ໃຫ້ນຸ້ມ, ເມື່ອປີ້ງແລ້ວຫອມ ແລະກິນກັບນໍ້າແຈ່ວສູດເດັດຂອງຮ້ານ ຖືວ່າສຸດຍອດ. ເພື່ອເປັນການຂະຫຍາຍສາຂາ ເພື່ອຮອງຮັບຈໍານວນລູກຄ້າທີ່ເພີ່ມຂຶ້ນ ທາງຮ້ານປີ້ງແບ້ ແກ້ວຄູນເມືອງ ຈຶ່ງໄດ້ມີການຈັດພິທີເປີດຮ້ານສາຂາ 2 ຂຶ້ນຢ່າງເປັນທາງການ ໃນວັນທີ 17 ຕຸລາ 2020 ທີ່ຜ່ານມາ ທີ່ບ້ານ ນາຄໍາ, ເມືອງ ສີໂຄດຕະບອງ ນະຄອນຫຼວງວຽງຈັນ ເຊິ່ງຕິດກັບໂຮງແຮມ ແລະພັດຕາຄານດາວຄໍາ.

ທ່ານ ນາງ ສົດໃສ ຂຸນລິວົງ ເຈົ້າຂອງຮ້ານ ປີ້ງແບ້ ແກ້ວຄູນເມືອງ ສາຂາ 2 ໄດ້ໃຫ້ສໍາພາດວ່າ: ຮ້ານປີ້ງແບ້ ແກ້ວຄູນເມືອງ ສາຂາ 2 ເປັນທຸລະກິດເດີມຂອງຄອບຄົວ ທີ່ພໍ່ແມ່ ໄດ້ສ້າງຂຶ້ນມາເປັນເວລາ 50 ກວ່າປີ ແລະເປັນຮ້ານປີ້ງແບ້ທໍາອິດໃນນະຄອນຫຼວງວຽງຈັນ. ຈາກປະສົບການທີ່ຢູ່ໃນຄອບຄົວ ແລະໄດ້ຮຽນຮູ້ວິທີການຕ່າງໆ ໃນທຸກເລື່ອງທີ່ນໍາເອົາແບ້ມາປຸງແຕ່ງເປັນອາຫານ ໄດ້ຫຼາກຫຼາຍປະເພດ ເຊັ່ນ: ແລມໂບ້ແບ້, ຜັດເຜັດແບ້, ອົ່ວເລືອດແບ້, ປີ້ງຫໍາແບ້,​ ກ້ອຍຫໍາແບ້, ຫໍາແບ້ແຊ່ນໍ້າປາ, ຜັດຊີ້ນແບ້ພິກໄທດໍາ, ຈຸ່ມເພ້ຍ ແລະເມນູອື່ນໆ. ສໍາລັບເມນູທີ່ໄດ້ຮັບຄວາມນິຍົມຫຼາຍທີ່ສຸດນັ້ນກໍຄື ປີ້ງແບ້ ເຊິ່ງເປັນເມນູເດັດ ດ້ວຍລົົດຊາດທີ່ມີສູດສະເພາະຂອງຮ້ານແກ້ວຄູນເມືອງເທົ່ານັ້ນ, ມີວິທີການໝັກເຄື່ອງເທດທີ່ຄັດສັນມາເປັນພິເສດ ແລະນໍ້າແຈ່ວສູດເດັດທີ່ປຸງແຕ່ງໃໝ່ທຸກວັນ.

ນອກນັ້ນ, ທາງຮ້ານຍັງໄດ້ໃສ່ໃຈເລື່ອງຄຸນນະພາບຂອງວັດດຸດິບ ເພື່ອເຮັດໃຫ້ລົດຊາດຂອງອາຫານອອກດີທີ່ສຸດ ແລະເຮັດໃຫ້ລູກຄ້າມີຄວາມເພິ່ງພໍໃຈໃນການຮັບປະທານຊີ້ນແບ້ ໄປພ້ອມກັບການບໍລິການທີ່ສົມບູນແບບ ແລະຕົບແຕ່ງຮ້ານຢ່າງສວຍງາມ ເພື່ອຕ້ອນຮັບລູກຄ້າໃນທຸກເພດທຸກໄວ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ