• ເຄື່ອງສະແກນເນີ ບຣາເດີ ໄດ້ຮັບລາງວັນສຸດຍອດການອອກແບບລະດັບໂລກ

ໂດຍ: ສີເປື້ອນມື 22 ຕຸລາ 2020 (12.02 ນ.) Read : 1,890

ໃນວັນທີ 21 ຕຸລາ 2020 ທີ່ປະເທດໄທ - ເຄື່ອງສະແກນເນີແບບພົກພາ (Mobile Scanner) ບຣາເດີ ລຸ້ນ DS-740D ແລະ DS-640 ໄດ້ໂຊສັກກະຍະພາບ ດ້ວຍການຮັບລາງວັນ ຈາກເວທີປະກວດ ສຸດຍອດການອອກແບບ  ‘Good Design Award 2020’ ຂອງປະເທດຍີ່ປຸ່ນ.

       ບຣາເດີ ສາມາດຄວ້າຮັບລາງວັນ Good Design Award ມາຄອບຄອງໄດ້ສຳເລັດເປັນຄັ້ງທຳອິດໃນປີ ຄ.ສ. 1960 ແລະ ຕັ້ງແຕ່ປີ ຄ.ສ. 1993 ເປັນຕົ້ນມາ ບຣາເດີ ໄດ້ສະແດງສັກກະຍະພາບຈົນໄດ້ຮັບລາງວັນດັ່ງກ່າວ ມາຄອບຄອງຕິດຕໍ່ກັນເປັນເວລາຍາວນານເຖິງ 28 ປີ ລວມລາງວັນທີ່ໄດ້ຮັບແມ່ນສູງເຖິງ 214 ລາງວັນ.

      ທ່ານ ນະເອກ ສົງສິຣິ ຮັກສາການຜູ້ຈັດການທົ່ວໄປ ຝ່າຍຂາຍ ແລະການຕະຫຼາດ ບໍລິສັດ ບຣາເດີ ຄອມເມີຊຽວ ( ປະເທດໄທ ) ຈໍາກັດ ໄດ້ກ່າວວ່າ:  Good Design Award ບໍ່ພຽງແຕ່ສະທ້ອນເຖິງຄວາມໂດດເດັ່ນດ້ານຮູບລັກສະນະແລະຟັງຊັ່ນເທົ່ານັ້ນ ແຕ່ສິ່ງທີ່ສຳຄັນບໍ່ນ້ອຍໄປກວ່ານັ້ນຄື ຄຸນຄ່າທີ່ໄດ້ມອບສູ່ຜູ້ບໍລິໂພກ ແລະສັງຄົມ ທັງຍັງເປັນການສະແດງໃຫ້ເຫັນເຖິງພະລັງຄວາມຮ່ວມມືຂອງທຸກຝ່າຍທີ່ກ່ຽວຂ້ອງທີ່ໄດ້ທຸ້ມເທ ຈົນສາມາດໄດ້ຮັບລາງວັນດັ່ງກ່າວມາຄອບຄອງໄດ້ສຳເລັດ.

      ບຣາເດີ ອອກແບບຜະລິດຕະພັນໂດຍຄຳນຶງເຖິງລູກຄ້າເປັນສຳຄັນ ສອດຄ່ອງກັບຄວາມຕັ້ງໃຈໃນການດຳເນີນທຸລະກິດທີ່ວ່າ ‘At your side’ ໂດຍ ບຣາເດີ ຍັງຄົງມຸ່ງໝັ້ນທີ່ຈະຮວບຮວມຄວາມຄິດເຫັນ ແລະຂໍ້ສະເໜີແນະຕ່າງໆ ທັງຈາກຜູ້ບໍລິໂພກ ແລະຜູ້ທີ່ກ່ຽວຂ້ອງກັບການດຳເນີນທຸລະກິດມາປະມວນຜົນເພື່ອພັດທະນາສັກກະຍະພາບການອອກແບບຜະລິດຕະພັນໃຫ້ສາມາດສົ່ງມອບຄຸນຄ່າສູງສຸດຢ່າງບໍ່ຢຸດຢັ້ງ

       Good Design Award ເປັນລາງວັນກາລັນຕີດ້ານການອອກແບບທີ່ດີຈາກປະເທດຍີ່ປຸ່ນ ໂດຍມຸ່ງເນັ້ນໃນການສົ່ງເສີມຊີວິດ ແລະສັງຄົມໃຫ້ດີຂຶ້ນດ້ວຍການອອກແບບ ກໍ່ຕັ້ງຂຶ້ນໃນປີ ຄ.ສ. 1957 ເປັນຕົ້ນມາ ໂດຍຊື່ທີ່ຮູ້ຈັກກັນໃນວົງການອອກແບບຄື ລາງວັນ "G Mark"  ທັງນີ້ Good Design Award ເປັນລາງວັນສຳລັບສິ່ງຕ່າງໆ ຫຼາຍຢ່າງທີ່ຢູ່ອ້ອມຮອບໂຕເຮົາ ເຊັ່ນ: ສິນຄ້າອຸດສາຫະກໍາ, ສະຖາປັດຕະຍະກໍາ, ຊ໊ອບແວ ລະບົບການບໍລິການ ແລະອື່ນໆ ໂດຍບໍ່ຈຳກັດວ່າຈະຕ້ອງເປັນສິ່ງທີ່ຈັບຕ້ອງໄດ້ຫຼືບໍ່ໄດ້ ຜະລິດຕະພັນທີ່ໄດ້ຮັບລາງວັນ ຈະສາມາດໃຊ້ສັນຍາລັກຂອງ Good Design Award ຫຼື G Mark ເພື່ອເຮັດໜ້າທີ່ເປັນເຄື່ອງມືສື່ສານໃນການເຊື່ອມຕໍ່ການອອກແບບກັບສັງຄົມ ໂດຍສັນຍາລັກນີ້ໄດ້ຖືກອອກແບບຂຶ້ນໃນປີ ຄ.ສ. 1957 ໂດຍ Yusaku Kamekura ເຊິ່ງເປັນນັກອອກແບບກາບຟິກຊັ້ນນຳຂອງປະເທດຍີ່ປຸ່ນ.

ເບິ່ງຂໍ້ມູນກ່ຽວກັບ Good Design Award ເພິ່ມເຕີມໄດ້ທີ່ http://www.g-mark.org/


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ