• ຫຼາຍຟັງຊັ່ນທີ່ໜ້າສົນໃຈ ໃນສະມາດໂຟນ vivo V20 Pro 5G

ໂດຍ: ສີເປື້ອນມື 26 ຕຸລາ 2020 (13.52 ນ.) Read : 1,962

ໃນວັນທີ 25 ຕຸລາ 2020 ຜ່ານມາ ທາງບໍລິສັດ ວີໂວ່ລາວ (vivo Sole (Lao) Co., Ltd) ໄດ້ຈັດງານເປີດໂຕສະມາດໂຟນຮຸ່ນໃໝ່ຫຼ້າສຸດ vivo V20 Pro 5G ທີ່ LAB DE LINES ຖະຫນົນ ດອນນົກຂຸ້ມ. ພາຍໃນງານດັ່ງກ່າວໄດ້ມີບັນດາຜູ້ບໍລິຫານຂອງ ບໍລິສັດ ວີໂວ່ລາວ ພ້ອມດ້ວຍຄະນະ, ແຟນຄັບວີໂວ່, ຊ່າງຖ່າຍຮູບມີອາຊີບ ແລະແຂກທີ່ຖືກເຊີນເຂົ້າຮ່ວມຢ່າງຫຼວງຫຼາຍ.

ຈຸດປະສົງໃນການເປີດໂຕສະມາດໂຟນຮຸ່ນໃໝ່ຫຼ້າສຸດໃນຄັ້ງນີ້ vivo V20 Pro 5G ແມ່ນເພື່ອຢາກໃຫ້ລູກຄ້າໄດ້ເຂົ້າມາສຳຜັດກັບສິນຄ້າໂຕຈິງ, ເພື່ອຕອບສະຫນອງຕາມຄວາມຕ້ອງການຂອງລູກຄ້າ ແລະພາຍໃນງານ ຍັງໄດ້ມີການຄືນກຳໄລໃຫ້ກັບລູກຄ້າ ໂດຍຈັດກິດຈະກຳຈົກສະຫລາກ ລຸ້ນຮັບລາງວັນໃຫຍ່ vivo V20 Pro 5G, ເສື້ອກັນລົມວີໂວ້, ກະເປົ໋າເປ້ ແລະລາງວັນອື່ນໆຢ່າງຫຼວງຫຼາຍ.

     ທ່ານ ເມກຂະຫລາ ກິ່ງສັກດາ ຜູ້ຈັດການຝ່າຍຜະລິດຕະພັນ ບໍລິສັດ ວີໂວ່ລາວ ໄດ້ແນະນໍາກ່ຽວກັບຈຸດເດັ່ນໆຂອງສະມາດໂຟນ vivo V20 Pro 5G ກໍຄືເທັກໂນໂລຢີ່ທີ່ສາມາດຮອງຮັບ 5G ໂຕເຄື່ອງບາງເບົາທີ່ສຸດໃນໂລກ ແລະອີກຈຸດເດັ່ນຈະເນັ້ນທີ່ກ້ອງເປັນຫຼັກ, ເອົາໃຈຄົນທີ່ມັກຖ່າຍຮູບເຊວຟີ່, ສາຍ Youtuber, ຄົນທີ່ມັກຖ່າຍ vlog ແລະ Live ສົດຂາຍສິນຄ້າຕ່າງໆ. ເນື່ອງຈາກກ້ອງຫນ້າຂອງສະມາດໂຟນຮຸ່ນນີ້ ມີຄວາມຄົມຊັດເຖິງ 44 ລ້ານພິກເຊວ+Eye Autofocus, ກ້ອງຫລັງຄວາມລະອຽດສູງເຖິງ 64 ລ້ານພິກເຊວ ເຊິ່ງເປັນກ້ອງທີ່ມີຄວາມລະອຽດສູງທີ່ສຸດຂອງສະມາດໂຟນທີ່ຢູ່ໃນຊ່ວງລາຄາດຽວກັນ ແລະການອອກແບບມີຄວາມສວຍງາມໂດດເດັ່ນສະດຸດຕາ.

ຈຸດເດັ່ນເລື່ອງການອອກແບບຕົວເຄື່ອງຂອງ vivo V20 Pro 5G ໄດ້ຖືກອອກແບບອອກມາຮູບໂສມໃໝ່ ມີທັນສະໄໝ, ຫລູຫຼາມີລະດັບ ແລະສາມາດໃຊ້ເປັນເຄື່ອງປະດັບກາຍໄດ້. ນອກນັ້ນ, ຕົວເຄື່ອງມີນໍ້າໜັກເບົາ ແລະມີຄວາມບາງທີ່ສຸດໃນໂລກ ພ້ອມຍັງສາມາດຮອງຮັບສັນຍານ 5G ໄດ້ເປັນຢ່າງດີ, ໜ້າຈໍໃຫຍ່ AMOLED ກວ້າງເຖິງ 6.44 ນິ້ວ Full HD+, ກ້ອງຫນ້າຄູ່ ເລນຫຼັກ ມີຄວາມລະອຽດ 44ລ້ານພິກເຊວ Eye Autofocus + 8 ລ້ານພິກເຊວ, ກ້ອງຫລັງ ປະກອບມີ 3 ເລນ AI ຄວາມລະອຽດ 64+8+2ລ້ານພິກເຊວ ເຊິ່ງສາມາດຖ່າຍພາບໄດ້ຢ່າງໂດດເດັ່ນໄດ້ໃນຍາມຄ່ຳຄືນດ້ວຍ Super Night Mode ບໍ່ວ່າຈະເຊວຟີ່ ຫຼືຖ່າຍພາບໃນບ່ອນມືດ ກໍສາມາດເກັບພາບໄດ້ແຈ້ງສວຍງາມໃນຍາມຄ່ຳຄືນໄດ້, ກ້ອງຫນ້າ ແລະກ້ອງຫລັງສາມາດຖ່າຍວີດີໂອໄດ້ຄວາມລະອຽດສູງເຖິງ 4K, ຟັງຊັ່ນໃໝ່ການຖ່າຍວິດີໂອ (ຖ່າຍວີດີໂອກ້ອງຫນ້າ ແລະກ້ອງຫລັງພ້ອມກັນໄດ້), ສາມາດຖ່າຍວິດີໂອ Slow motion ໄດ້ທັງກ້ອງຫນ້າ ແລະກ້ອງຫລັງ, CPU ຫຼືໜ່ວຍປະມວນຜົນເປັນ Snapdragon 765G ຄວາມແຮງສູງວ່ອງໄວທຸກການສຳຜັດ, ຄວາມຈຳ RAM 8GB + ROM 128GB ແລະແບັດເຕີລີ່ ມີຄວາມຈຸ 4000 mAh ຮອງຮັບລະບົບສາກໄວ 33W (30ນາທີ ສາກແບັດເຕີຣີໄດ້ 65%).

vivo V20 Pro 5G ມາພ້ອມລະບົບປະຕິບັດການ Funtouch OS 11 ໃນ Android 11 ເວີຊັ່ນໃໝ່ຫຼ້າສຸດ. ມີວາງຈໍາໜ່າຍແລ້ວ ເຊິ່ງມີທັງຫມົດ 3 ສີ: ສີສາຍຮຸ້ງ, ສີດຳ ແລະສີຂາວ ໃນລາຄາພຽງ 4.799.000 ກີບ.

ທ່ານໃດສົນໃຈ ສາມາດສອບຖາມຂໍ້ມູນເພີ່ມຕື່ມ ໄດ້ທີ່ຕົວແທນຈໍາຫນ່າຍ ວີໂວ່ທົ່ວປະເທດ ຫຼືສາມາດສັ່ງຜ່ານທາງອອນລາຍໄດ້ທີ່ Facebook: vivo Laos ຫຼືຕິດຕໍ່ໄດ້ທີ່ເບີ 030 9056977.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ