• ຍີ່ປຸ່ນ-ຈີນ ກັບມາເປີດເດີນທາງທຸລະກິດອີກຄັ້ງ

ໂດຍ: ສີເປື້ອນມື 01 ທັນວາ 2020 (14.49 ນ.) Read : 21,027

ເວັບໄຊທ໌ຂອງວິທະຍຸກະຈາຍສຽງຍີ່ປຸ່ນ ຫລື NHK ລາຍ​ງານ​ວ່າ: ຍີ່ປຸ່ນ ​ແລະ ຈີນ ກັບ​ມາ​ເປີດ​ການ​ເດີນທາງ ​ເພື່ອ​ທຸລະ​ກິດລະຫວ່າງ​ກັນ ​ໃນ​ວັນ​ທີ 30ພະຈິກ​ນີ້ ​ເປັນ​ສ່ວນ​ໜຶ່ງ​ຂອງ​ຄວາມ​ພະຍາຍາມ ຫລຸດ​ຂໍ້​ຈຳກັດ ​ໃນ​ການ​ເດີນທາງ​ເຂົ້າປະ​ເທດ ​ແລະ ສົ່ງ​ເສີມ​ກິດຈະກຳ​ທາງ​ເສດຖະກິດ ​​ໂດຍ​ເນັ້ນ​ໃຫ້​ນັກທຸລະກິດ​ຈາກ​ທັງ​ສອງ​ຝ່າຍ ສາມາດ​ເດີນທາງ​ເຂົ້າອອກ​ລະຫວ່າງ​ກັນ ທັງ​ແບບ​ພັກ​ອາ​ໄສ​ໄລຍະ​ສັ້ນ ​ແລະ ​ໄລຍະ​ບາ​ວ ​ເປັນ​ມາດ​ຕະການ​ດຽວ​ກັນ​ທີ່​ຍີ່ປຸ່ນ ​ໃຊ້​ກັບ​ສິງກະ​ໂປ, ສ.​ເກົາຫລີ ​ແລະ ຫວຽດນາມ. ຄາດ​ວ່າ​ ຈະ​ມີ​ນັກທຸລະກິດ​ຈີນ ຫລັ່ງ​ໄຫລ​ເດີນທາງ​ເຂົ້າມາ​ທາງ​ສະໜາມ​ບິນ ນາຣິຕະ ​ໂດຍ​ມີ​ຖ້ຽວ​ບິນ​ຂາ​ເຂົ້າ ​ແລະ ຂາ​ອອກ​ຈາກ​ເມືອງ​ຕ່າງໆ​ ​ປະມານ 20 ຖ້ຽວ​ຕໍ່​ອາທິດ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ