• Huawei P20 Series ສ້າງສະຖິຕິໃຫມ່ຍອດຂາຍຫຼາຍກວ່າ 6 ລ້ານເຄື່ອງໃນທົ່ວໂລກ

ໂດຍ: ດວງຕາວັນ 19 ມິຖຸນາ 2018 (11.40 ນ.) Read : 972

ຖ້າຈະເວົ້າເຖິງສະມາດໂຟນທີ່ກຳລັງໄດ້ຮັບຄວາມນິຍົມສູງສຸດໃນຕອນນີ້ຄົງຈະປະຕິເສດບໍ່ໄດ້ກັບ Huawei P20 Series ເຊິ່ງຫາກໍ່ເປີດຂາຍໃນທົ່ວໂລກພຽງແຕ່ 3 ເດືອນແຕ່ຍອດຂາຍທະລຸ 6 ລ້ານເຄື່ອງແລ້ວ, ຖືວ່າເປັນສະຖິຕິໃຫມ່ທີ່ສູງກວ່າລຸ້ນ P10 Series ຫຼາຍກວ່າ 81% ໃນຊ່ວງເວລາດຽວກັນ.

ທ່ານ Kevin Ho ຫົວໜ້າສາຍການຜະລິດສະມາດໂຟນຂອງຫົວເຫວີຍໄດ້ກ່າວວ່າ “ກະແສຕອບຮັບ ແລະ ຍອດຂາຍດີທະຖົ່ມທະລາຍຂອງ Huawei P20 Series ໄດ້ສະແດງໃຫ້ເຫັນວ່າເຮົາມີຄວາມເຂົ້າໃຈຕະຫຼາດຂອງເຮົາເປັນຢ່າງດີ ແລະ ຍັງສະແດງໃຫ້ເຫັນຄວາມມຸ້ງໜັ້ນໃນດ້ານນະວັດຕະກຳ ແລະ ການປັບປຸງພັດທະນາສິນຄ້າເຮົາອີກດ້ວຍ, ເຮົາເບີ່ງເຫັນຄວາມສຳເລັດຂອງ Huawei P20 Series ເປັນແຮງມຸ້ງໝັ້ນໄປສູ່ຄວາມເປັນເລີດ ຕຽມໃຈຖ້າເບີ່ງວ່າຈະມີຫຍັງເກີດຂື້ນອີກພາຍໃນປີນີ້”

ສຳລັບໃນປະເທດລາວເຮົາກໍ່ມີວາງຈຳໜ່າຍໃນທົ່ວປະເທດ ໂດຍ Huawei P20 (RAM 4 GB+ ROM 128 GB) ລາຄາ 5,190,000 ກີບ ມີໃຫ້ເລືອກ 3 ສີ ໄດ້ແກ່ Black, Midnight Blue ແລະ Pink Gold ສ່ວນ Huawei P20 Pro (RAM 6GB+ ROM 128 GB) ລາຄາ 6,790,000 ກີບ ມີໃຫ້ເລືອກ 3 ສີ ໄດ້ແກ່ Black, Midnight Blue ແລະ Twilight ເຊີ່ງທັງສອງລຸ້ນໄດ້ຮັບຟີ ເຄືອງສັ່ງນ້ຳຫນັກເພື່ອສຸຂະພາບ Huawei Body Fat Scale ມູນຄ່າ 800,000 ກີບ ຈາກຫົວເຫວີຍ.





ທີ່ມາ: PhoneArena
  • ຮູບພາບ

  • ແທັກທີ່ກ່ຽວຂ້ອງ