• ຜູ້ຊາຍ 5 ປະເພດທີ່ຄວນຍົກມືລາ ດ່ວນ! ດ່ວນ!

ໂດຍ: ແມວດຳ 11 ມັງກອນ 2019 (13.23 ນ.) Read : 290

ຫຼາຍຄັ້ງທີ່ສາວໆອາດເສຍເວລາກັບຜູ້ຊາຍທີ່ຜ່ານເຂົ້າມາ ແລ້ວກໍຜ່ານໄປ ຊ້ຳແລ້ວຊ້ຳອີກ. ແຕ່ໃນມືິ້ນີ້ໄດ້ເວລາແລ້ວທີ່ສາວໆຄວນຈະຮັບຮູ້ວ່າຜູ້ຊາຍແບບໃດທີ່ບໍ່ຄວນເຂົ້າໃກ້ ແລະເສຍເວລານຳອີກຕໍ່ໄປ.

1.ຜູ້ຊາຍທີ່ບໍ່ມີຫຼັກໝັ້ນ, ເປັນພວກນັກທິດສະດີຫລາຍກວ່ານັກປະຕິບັດ ຫລັກການນມາເຕັມ ແຕ່ເອົາເຂົ້າແທ້ໆກົບເກື່ອນ ໂດຍສະເພາະເລື່ອງຄວາມສໍາພັນເວົ້າງ່າຍໆວ່າການແຕ່ງງານບໍ່ແມ່ນເປົ້າຫມາຍຫລັກຂອງເຂົາເລີຍ, ຜູ້ຊາຍປະເພດນີ້ບໍ່ຄວນເອົາໂຕເຂົ້າໄປສ່ຽງຈະດີທີ່ສຸດ.

2.ຜູ້ຊາຍທີ່ມັກແກ້ໂຕ, ຜູ້ຊາຍປະເພດນີ້ຈະມີຄໍາວ່າ (ຂໍໂທດ) ຕາມຕິດເປັນເງົາ ທຸກຄັ້ງທີ່ຜິດພາດມັກຈະອ້າງຄຳຂໍໂທດ ແຕ່ບໍ່ເຄີຍປັບປຸງໂຕເອງ ແລະເຫດການແບບນີ້ຈະເກີດຂື້ນຊໍ້າໆ ຈົນເຖິງມື້ທີ່ເຮົາທົນກັບເຂົາບໍ່ໄດ້ເອງ.

3.ຜູ້ຊາຍປະເພດຂີ້ຖີ່, ການໄດ້ຮັບຂອງຂວັນຈາກຄົນຮັກເປັນເລື່ອງທີ່ສາວໆຫຼາຍຄົນປາຖະໜາ ແລະຖືກວ່າເປັນເລື່ອງປົກກະຕິ, ແຕ່ຖ້າຂອງຂວັນເລັກໆນ້ອຍທີ່ເຮົາມັກເຫລົ່ານີ້ບໍ່ເຄີຍຕົກເຖິງມືເຮົາເລີຍມັນກໍໜ້ານ້ອຍໃຈບໍ່ໜ້ອຍ. ດັ່ງນັ້ນ ລອງຄິດເບິ່ງວ່າ ຄົນຮັກຂອງເຮົາ ເປັນຜູ້ຊາຍຂີ້ຖີ່ ຫຼືໃຊ້ເງິນເປັນ.

4.ຜູ້ຊາຍທີ່ຈົມຢູ່ກັບອະດີດ, ໃຜທີ່ມີຄົນຮັກແບບນີ້ຂໍບອກເລີຍວ່າຫນ້າເຈັບໃຈທີ່ສຸດ ເພາະໃນຂະນະທີ່ຄົບກັບເຮົາແຕ່ກັບມັກເວົ້າເຖິງເລື່ອງໃນອະດີດກັບຄົນເກົ່າ, ບາງຄັ້ງອາດມີປຽບທຽບລະຫວ່າງເຮົາກັບແຟນເກົ່າຂອງເຂົາອີກດ້ວຍ. ເຊິ່ງຜູ້ຊາຍແບບນີ້ຄວນຍ່າງໜີໃຫ້ໄກໆ, ຍ່າງອອກໄປຫາອະນາຄົດທີ່ລໍຖ້າຢູ່ຂ້າງຫນ້າດີກວ່າ.

5.ຜູ້ຊາຍທີ່ມັກຫາເລື່ອງ, ລະແວງຕະຫຼອດ, ທຳອິດເບິ່ງຄືວ່າເປັນຄົນທີ່ໃສ່ໃຈ ແລະເອົາໃຈເຮົາ, ເພາະ ເຂົາມີຄວາມກະຕືລືລົ້ນຢາກທີ່ຈະຮູ້ວ່າເຮົາຢູ່ໃສ?, ເຮັດຫຍັງ?, ຢູ່ກັບໃຜ?, ແຕ່ບາງຄັ້ງມັນກໍກາຍເປັນຄວາມລະແວງຈົນເຮັດໃຫ້ສາວໆເຮົາຮັບມືເກືອບບໍ່ໄຫວ ເພາະແຕ່ລະມື້ຕ້ອງຖາມຫາເຮົາແບບນີ້ທຸກມື້ ແລ້ວລອງຄິດເບິ່ງວ່າຊີວິດຄູ່ຈະມີຄວາມສຸກໄດ້ແນວໃດ?.



ທີ່ມາ: ABC Laos News ສຳນັກຂ່າວເອບີຊີລາວ / www.RAOSUKUNGFUNG.com
  • ແທັກທີ່ກ່ຽວຂ້ອງ