• ພິທີມອບ - ຮັບທຶນການສຶກສາ ແລະອຸປະກອນການສຶກສາໃຫ້ແກ່ນັກສຶກສາ ມະຫາວິທະຍາໄລແຫ່ງຊາດລາວ

ໂດຍ: Admin Mahason 28 ມັງກອນ 2019 (08.47 ນ.) Read : 284

    ໃນຕອນເຊົ້າຂອງວັນທີ 24 ເດືອນມັງກອນ 2019 ນີ້ ມູນນິທິວັດທະນາທຳ Kim Jun Ki ເກົາຫຼີຮ່ວມກັບບໍລິສັດ ລ້ານຊ້າງປະກັນໄພ ມະຫາຊົນໄດ້ມີພິທີມອບທຶນການສຶກສາ ແລະ ອຸປະກອນການສຶກສາໃຫ້ແກ່ນັກສຶກສາມະຫາວິທະຍາໄລແຫ່ງຊາດລາວຢູ່ທີ່ສະໂມສອນໃຫຍ່ຊັ້ນ2 ມະຫາວິທະຍາໄລແຫ່ງຊາດລາວ.
     ໃນພິທີມອບທຶນການສຶກສາແລະ ອຸປະກອນການສຶກສາ ໃນຄັ້ງນີ້ເຊິ່ງໄດ້ໃຫ້ກຽດເປັນປະທານເຂົ້າຮ່ວມຂອງທ່ານ ທ່ານ ສຈ. ປອ. ສົມສີ ຍໍພັນໄຊ ອະທິການບໍດີ ມະຫາວິທະຍາໄລແຫ່ງຊາດລາວ,
ທ່ານ ຄິມ ຄັງ ອຸກ ປະທານມູນນິທິວັດທະນາທຳ Kim Jun Ki (ເກົາຫຼີ) , ທ່ານ ໂດ໋ ດັງ ຄາງ ຜູ້ອຳນວຍການ ບໍລິສັດລ້ານຊ້າງປະກັນໄພ ພ້ອມດ້ວຍຄະນະ, ທ່ານ ຫງຽນ ງັອກ ທັ້ງ ທີ່ປຶກສາດ້ານການສຶກສາສະຖານທູດຫວຽດນາມ, ທ່ານ ດວງສີ ສິງດວງໃຈ ຫົວໜ້າຫ້ອງການທະນາຄານພັດທະນາລາວ ພ້ອມດ້ວຍຄູອາຈານແລະ ນັກສຶກສາຈາກມະຫາວິທະຍາໄລແຫ່ງຊາດລາວກໍ່ໃຫ້ກຽດເຂົ້າຮ່ວມ, ໃນຄັ້ງນີ້ພວກເຮົາໄດ້ມອບທຶນການສຶກສາໃຫ້ແກ່ບັນດາ ນັກສຶກສາທີ່ມີຜົນການຮຽນດີເດັ່ນແຕ່ມີຄວາມຍຸ່ງຍາກຂາດເຂີນທາງຄອບຄົວຈຳນວນ 10 ນ້ອງ ຄົນລະ 4000,000 ກີບ ແລະ ຍັງໄດ້ມອບໂທລະພາບສີ 55ນີ້ວ ແລະ ເຄື່ອງດົນຕີ ເຊິ່ງລວມມູນຄ່າການຊ່ວຍເຫລືອຄັ້ງນີ້ແມ່ນ 56,000,000 ກີບ

ທີ່ມາ: Lanexang Assurance - LAP
  • ຮູບພາບ

  • ແທັກທີ່ກ່ຽວຂ້ອງ