• ຫົງຫາມເຕົ່າ ເຂົ້າສາຍແລ້ວ

ໂດຍ: Admin Mahason 20 ກັນຍາ 2017 (00.00 ນ.) Read : 989

ພາຍຫຼັງທີ່ເລີ່ມຖະແຫຼງຂ່າວເປີດໂຕ ພ້ອມທັງເຂົ້າສາຍໃນຮອບສື່ມວນຊົນໃນວັນທີ 25 ພຶດສະພາ 2017 ກໍໄດ້ຮັບກະແສຕອບຮັບເປັນຢ່າງດີ ຈົນມາຕໍ່ຍອດສາຍຢ່າງເປັນທາງໃນຮອບດາລາ ແລະແຟນຄັບທັງຫຼາຍໃນວັນທີ 29 ພຶດສະພາ 2017 ທີ່ໂຮງຮູບເງົາ Major Cineplex ຊັ້ນ4 ວຽງຈັນເຊັນເຕີ ເຮັດໃຫ້ຄົນທີ່ເບິ່ງໄດ້ທັງຮອຍຍິ້ມ ແລະນໍ້າຕາ ເພາະຮູບເງົາດັ່ງກ່າວເປັນໃນແນວຕະຫຼົກໂຣແມນຕິກ.

ເປັນອີກຮູບເງົາໜຶ່ງທີ່ສ້າງຂຶ້ນ ແລະກໍາເກັບໂດຍ: ເຈ້ຍ ປາຊີຟິກ ຮູ້ຈັກກັນດີໃນຜົນງານທີ່ຜ່ານມາ ບໍ່ວ່າຈະເປັນຮູບເງົາ ຮັກອໍ່າລໍ່າ ແລະ ຮັກອີຫຼີ ເຊິ່ງກໍໄດ້ຮັບກະແສຕອບຮັບຈາກສັງຄົມໄດ້ເປັນຢ່າງດີ ເຮັດໃຫ້ຮູບເງົາດັ່ງກ່າວປະສົບຜົນສໍາເລັດດ້ວຍຍອດຂາດຫຼາຍຮ້ອຍລ້ານ. “ຫົງຫາມເຕົ່າຂ້ອຍຕົວະເຈົ້າ ເຮົາຮັກກັນ” ກໍເປັນອີກເລື່ອງໜຶ່ງທີ່ໄດ້ຮັບແຮງບັນດານໃຈຈາກຮູບເງົາເລື່ອງ “ຮັກອີຫຼີ”. ສໍາຫຼັບຮູບເງົາເລື່ອງນີ້ຕົນເອງໄດ້ທຸ້ມເທທັງແຮງກາຍ, ແຮງໃຈ ແລະເຮັດດ້ວຍຄວາມຕັ້ງໃຈຢ່າງແທ້ຈິງ ເພື່ອຢາກໃຫ້ມັນອອກມາດີທີ່ສຸດ ເພື່ອຄົນເບິ່ງຮູ້ສຶກປະທັບໃຈ. ເລື່ອງໂດຍຫຍໍ້: ເວົ້າເຖິງຄວາມຮັກລະຫວ່າງ ເຕົ່າ (ພະເອກ) ແລະຫົງ (ນາງເອກ) ທີ່ມາຮັກກັນແບບບໍ່ຮູ້ຕົວ ກັບພາລະກິດອັນຍິ່ງໃຫຍ່ທີ່ຕ້ອງແລກດ້ວຍສັກສີ ນັ້ນກໍຄື ການຖ່າຍທໍາສາລະຄະດີຊີວິດຂອງ ວິໄລຫົງ (ນາງເອກ) ທາງດ້ານຕໍາແໜ່ງ ແລະເງິນຄໍາ. ຈາກທີ່ເຫັນເປັນພຽງພາລະກິດແຕ່ສຸດທ້າຍ ເຕົ່າ ກໍຫຼົງຮັກ ຫົງ ແບບບໍ່ຮູ້ຕົວ. ເລື່ອງລາວຈະຈົບລົງແນວໃດຢາກໃຫ້ທຸກທ່ານໄດ້ໄປເບິ່ງຮູບເງົາເຕັມເລື່ອງເລີຍ.



ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ