• ຕາຍປິດສະໜາ!! ອຸບັດຕິເຫດ ຫຼື ຄາດຕະກໍາ

ໂດຍ: ສີເປື້ອນມື 09 ພະຈິກ 2018 (14.31 ນ.) Read : 1,569

ໃນວັນທີ 07 ພະຈິກ 2018 ຜ່ານມາມີປະຊາຊົນໄດ້ພົບສົບຄົນເສຍຊີວິດຢູ່ແຄມທາງ R3 ບ້ານ ດອນແລ ເມືອງ ຫຼວງນໍ້າທາ ແຂວງ ຫຼວງນໍ້າທາ ຂ້າງໂຮງໝໍຫຼວງນໍ້າທາ ເປັນ ເພດຍິງ 1 ຄົນ ຂີ່ລົດຈັກເວັບ ປ້າຍທະບຽນ ກຳແພງນະຄອນ ດດ 1754.

ຈາກສະພາບສົບແມ່ນໄຄ່ບວມ ຄາດວ່າຜູ້ກ່ຽວເສຍຊີວິດມາໄດ້ຫຼາຍມື້ແລ້ວ ທາງເຈົ້າໜ້າທີ່ໄດ້ເກັບກໍາຂໍ້ມູນລາຍລະອຽດ ແລະກວດສອບສະຖານທີ່ເກີດເຫດ ເຊິ່ງກໍາລັງຢູ່ໃນຂັ້ນຕອນຂອງການສືບສວນ-ສອບສວນ ເຖິງເຫດການປິດສະໜາທີ່ເກີດຂຶ້ນວ່າ ເປັນອຸບັດຕິເຫດ ຫຼືການຄາດຕະກໍາ.

ຕາມຂໍ້ມູນຫຼັກຖານທີ່ພົບ ຜູ້ເສຍຊີວິດຊື່ ນາງ ຈີລະນັນ ມີໄຊພົນ ເປັນຄົນບ້ານ ຜາຕັ້ງ ເມືອງ ວັງວຽງ ແຂວງວຽງຈັນ ເຮັດວຽກ ເປັນພະນັກງານໄຟຟ້າ ສາຂາ ແຂວງຫຼວງນໍ້າທາ. ສ່ວນວ່າຕົ້ນປາຍສາເຫດຈະເປັນແນວໃດກໍລໍຖ້າຕິດຕາມການເຮັດວຽກຂອງເຈົ້າໜ້າທີ່ ຂໍໃຫ້ສາມາດຈັບຕົວຜູ້ຄາດຕະກຳໄດ້ໄວໆນີ້, ຂໍສະແດງຄວາມເສຍໃຈນຳຄອບຄົວຜູ້ເສຍຊີວິດດ້ວຍ ແລະຂໍໃຫ້ດວງວິນຍານໄປສູ່ສຸຄະຕິ.


ທີ່ມາ: https://www.sportsupdate.org/archives/5764?fbclid=IwAR2lyx5v3cZfVQOhC1lTAaRQFmkUsxYgyDRoJFSWCzvOhxrhXy4eyOFvrhY
  • ຮູບພາບ

  • ແທັກທີ່ກ່ຽວຂ້ອງ