• The All New Nissan Terra ລົດຈິບ 7 ບ່ອນນັ່ງສະໄຕລ໌ໂຮງຮູບເງົາ

ໂດຍ: ສີເປື້ອນມື 07 ມັງກອນ 2019 (12.01 ນ.) Read : 56

ໃນເດືອນ ທັນວາ 2018 ບໍລິສັດຕັນຈົງ ມໍເຕີ້ (ກໍາປູເຈຍ)​ ຈໍາກັດພຽງຜູ້ດຽວ (“TCML”), ເປັນບໍລິສັດໃນເຄືອຂອງ ບໍລິສັດ ຕັນຈົງ ມໍເຕີ ໂຮນດີງ ເບີຫາດ (ມາເລເຊຍ) ແລະ ຜູ້ຈໍາໜ່າຍສະເພາະ ພຽງຜູ້ດຽວຂອງລົດຍີ້ຫໍ້ນິສສັນ ໃນກໍາປູເຈັ້ຍ ຢ່າງເປັນທາງການ ຈະເປີດຕົວລົດນິສສັນເທີລ້າໃໝ່ ສູ່ມະຫາຊົນໃນນະຄອນຫລວງວຽງຈັນ.

ທ່ານ ທັນ ໄຕ ຫີງ ປະທານຝ່າຍປະຕິບັດການ ບໍລິສັດຕັນຈົງ ມໍເຕີ ລາວ ແລະກໍາປູເຈຍ ໄດ້ກ່າວວ່າ: ການອອກແບບລົດນິສສັນ ອໍນີວ ເທີລ້າໃໝ່ ແມ່ນອີງໃສ່ຄວາມຕ້ອງການການຂັບຂີ່ຂອງລູກຄ້າອາຊີ ກໍຄືທັງໝົດ. ເນື່ອງຈາກຕອນນີ້ ລູກຄ້າແມ່ນຄາດຫວັງຫລາຍຈາກຍານພາຫະນະຂອງເຂົາເຈົ້າ, ນິສສັນຈໍາຕ້ອງສ້າງຍານພາຫະນະ ທີ່ສາມາດກາຍເປັນສ່ວນໜຶ່ງຂອງຊີວິດລູກຄ້າ. ນອກນັ້ນ, ການອອກແບບນິສສັນ ອໍນີວ ເທີລ້າໃໝ່ ທີ່ນໍາເຂົ້າຈາກປະເທດໄທ ແມ່ນເປັນລົດທີ່ໄວ້ວາງໃຈໄດ້ ໃນປະໂຫຍດຂອງການນໍາໃຊ້ ແລະຄວາມສາມາດທີ່ອະເນັກປະສົງຕ່າງໆ ເພື່ອນໍາໃຊ້ໃນຊີວິດປະຈໍາວັນ ຂະນະທີ່ຍັງສາມາດເຮັດໃຫ້ລູກຄ້າ ສາມາດປ່ຽນຈາກຊີວິດປະຈໍາວັນທໍາມະດາ ມາເປັນແບບພະຈົນໄພ. ໃນເລື່ອງນັ້ນ, ພວກເຮົາເຊື່ອວ່າ ນິສສັນເທີລ້າ ໃໝ່ ຈະກາຍເປັນໜຶ່ງໃນລຸ້ນລົດນິສສັນທີ່ເປັນທີ່ນິຍົມສຸດໃນປະເທດນີ້, ເປັນທີ່ນິຍົມໃນຄວາມເປັນອະເນັກປະສົງແບບ ລຸຍໄປໄດ້ທຸກບ່ອນ.

ທ່ານ ນາງ ອາຢາໂກ ຮອງປະທານ, ຝ່າຍດໍາເນີນງານທຸລະກິດ, ນິສສັນມໍເຕີເອເຊຍ ປາຊີຟິກ (NMAP) ໄດ້ກ່າວວ່າ: ເຮົາຍີນດີເປັນຢ່າງຍີ່ງທີ່ຈະແບ່ງປັນຂໍ້ມູນທີ່ວ່າ ນິສສັນ ເທີລ່າໃໝ່ ເປັນຍານພາຫະນະທີ່ຜະລິດໃນອາຊີຕາເວັນອອກສຽງໃຕ້ ສຳລັບເຂດພາກພື້ນອາຊີຕາເວັນອອກສຽງໃຕ້ຂອງປະເທດລາວ ນິສສັນ ເທີລ່າ ໃໝ່ທີ່ຜະລິດໃນປະເທດໄທທີ່ເປັນເພື່ອນບ້ານ ຢ່າງທີ່ເຮົາເຫັນເຂດອາຊີຕາເວັນອອກສຽງໃຕ້ມີຄວາມສຳຄັນຫຼາຍສຳລັບການເຕີບໂຕຂອງນິສສັນ ແລະໂດຍສະເພາະ ປະເທດລາວເນື່ອງຈາກມີຄວາມຕ້ອງການລົດຈິບ ຂະໜາດນີ້ ເພີ່ມຫຼາຍຂື້ນໃນພູມມີພາກ.

ດ້ວຍການເພີ່ມລົດລຸ້ນໃໝ່ ນິສສັນເທີລ້າໃໝ່, ນິສສັນ ຈະສາມາດຕອບສະໜອງໄດ້ກັບຄວາມຕ້ອງການທີ່ເພີ່ມຂຶ້ນຂອງຕະຫລາດອາຊີຕາເວັນອອກສ່ຽງໃຕ້ ສໍາລັບລົດເອັສຍູວີຂະໜາດ 7 ທີ່ນັ່ງ ແລະສ່ວນຄອງຕະຫລາດລົດເອັສຍູວີ ທີ່ຍັງຄົງຢູ່ໃນ 3 ອັນດັບທໍາອິດ ແລະການຂັບເຄື່ອນທີ່ເຕີບໂຕ ສໍາລັບອາຊີຕາເວັນອອກສ່ຽງໃຕ້.

ນິສສັນເທີລ້າ ຍັງມີຈຸດເດັ່ນດ້ານເຕັກໂນໂລຊີທີ່ລໍ້າໜ້າ ເພື່ອການຂັບຂີ່ທີ່ໝັ້ນໃຈ ແລະ ປອດໄພຂຶ້ນ. ເຕັກໂນໂລຊີນະວັດຕະກໍາ   ໃໝ່ເຫລົ່ານີ້ ທີ່ເອີ້ນວ່າ ເຕັກໂນໂລຊີຂັບເຄື່ອນອັດສະລິຍະຂອງນິສສັນ ຈະລວມມີປະຕູດ້ານຫລັງອັດຕະໂນມັດ (ປະຕູດ້ານຫລັງອັດຕະໂນມັດຈະເປີດຂຶ້ນ ເມື່ອທ່ານເຂົ້າໃກ້ ແລະ ພຽງແຕ່ແຕະກັນຊົນດ້ານຫລັງ), ລະບົບແຈ້ງເຕືອນການອອກຈາກເລນ (LDW) ຈະເພີ່ມຄວາມປອດໄພຂອງທ່ານ ດ້ວຍການຮັບປະກັນວ່າ ທ່ານອອກຈາກເລນທາງ ເມື່ອທ່ານເຈດຕະນາປ່ຽນເລນ. ຖ້າລະບົບນີ້ຫາກກວດພົບວ່າ ທ່ານກໍາລັງອອກຈາກເລນຂອງທ່ານ ມັນຈະສົ່ງສັນຍານເຕືອນທ່ານ; ລະບົບກ້ອງເບິ່ງຮອບດ້ານອັດສະລິຍະ (i-AVM) ຂອງນິສສັນ ນໍາໃຊ້ກ້ອງສີ່ໂຕ ທີ່ຕິດຕັ້ງຢູ່ອ້ອມຕົວລົດນິສສັນເທຍລ້າ ເພື່ອໃຫ້ພາບດ້ານເທິ່ງ 360 ອົງສາ ຢູ່ທົ່ວຕົວລົດ ເພື່ອຊ່ວຍໃຫ້ທ່ານຈອດ ... ຫລື ລ້ຽວລົດໃນຈຸດທີ່ແຄບ ໂດຍສະເພາະ ເມື່ອທ່ານເດີນທາງວິບາກ ເທິ່ງເສັ້ນທາງທີ່ຫຍຸ້ງຍາກ ຂະນະທີ່ ລະບົບກວດວັດຖຸເຄື່ອນທີ່ (MOD) ນໍາໃຊ້ກ້ອງ 4 ໂຕ ເພື່ອກວດເບິ່ງວັດຖຸເຄື່ອນທີ່ ຢູ່ທົ່ວຕົວລົດ ເພື່ອກວດເບິ່ງວັດຖຸເຄື່ອນໄຫວຢູ່ອ້ອມຕົວລົດ ເມື່ອລົດຈອດ ຫລື ລ້ຽວແບບຊ້າໆ; ໃນເວລານັ້ນ ລະບົບຈະແຈ້ງເຕືອນນັກຂັບຂີີ່ ດ້ວຍພາບ ແລະ ສຽງ ບວກກັບຫລາຍລະບົບຈຸດເດັ່ນອື່ນໆ.

ລູກຄ້າ ແລະສະມາຊິກທີ່ສົນໃຈທົ່ວໄປທີ່ສົນໃຈສອບຖາມຂອງລົດ the All-New Nissan TERRA ສາມາດເຂົ້າໄປທີ່ໂຊລູມທົ່ວປະເທດ.

ສໍາລັບຂໍ້ມູນເພີ່ມເຕີມກ່ຽວກັບລົດນິສສັນລຸ້ນຕ່າງໆໃນປະເທດລາວ, ກະລຸນາເຂົ້າເບິ່ງເວັບໄຊຂອງນິສສັນລາວ www.nissan-lao.la ຫລື ຕິດຕາມໜ້າເຟສບຸກຂອງນິສສັນລາວໄດ້ທີ່ fb.com/NissanLaos/

 


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ