• "Air Asia" ແອເອເຊຍ ເຊື່ອມໂຍງລາວສູ່ 130 ປາຍທາງທົ່ວໂລກ

ໂດຍ: ສີເປື້ອນມື 14 ກຸມພາ 2019 (17.47 ນ.) Read : 94

ໃນວັນທີ 13 ກຸມພາ 2019 ໄດ້ຈັດງານຖະແຫຼງຂ່າວກ່ຽວກັບສາຍການບິນແອເອເຊຍ ສາຍການບິນລາຄາປະຢັດ ທີ່ດີທີ່ສຸດໃນໂລກ ດ້ວຍລາງວັນຢືນຢັນ 10 ປີຊ້ອນ ຢູ່ທີ່ຮ້ານອາຫານ ເດິ ກູດ ວິວ (The Good View) ນະຄອນຫຼວງວຽງຈັນ. ໃຫ້ກຽດເປັນປະທານໄດ້ແກ່: ທ່ານ ນາງ ລັດດາວັນ ມີຊັບວັດທະນາ ຜູ້ຈັດການ ຝ່າຍການຕະຫຼາດອິນດູຈີນ ຂອງສາຍການບິນ ແອເອເຊຍ ພ້ອມດ້ວຍແຂກທີ່ຖືກເຊີນ.

ທ່ານ ນາງ ລັດດາວັນ ມີຊັບວັດທະນາ ຜູ້ຈັດການ ຝ່າຍການຕະຫຼາດອິນດູຈີນ ໄດ້ກ່າວວ່າ: ແອເອເຊຍພ້ອມທີ່ຈະໃຫ້ບໍລິການດ້ວຍມາດຕະຖານສາກົນ ແລະເປີດເສັ້ນທາງບິນໃໝ່ ເພື່ອເຊື່ອມໂຍງພູມີພາກອາຊີຕາເວັນອອກສຽງໃຕ້ ໃຫ້ຄວບຄຸມ ເພື່ອອໍານວຍຄວາມສະດວກດ້ານການເດີນທາງໃຫ້ຊາວລາວ. ປັດຈຸບັນ ປະເທດໄທ ເປັນແຫຼ່ງທ່ອງທ່ຽວທີ່ຄົນລາວນິຍົມເດີນທາງໄປຊື້ເຄື່ອງ ແລະທ່ອງທ່ຽວ. ສ່ວນປະເທດ ມາເລເຊຍ ເປັນເມືອງທາງດ້ານການຄ້າ ແລະການລົງທຶນທີ່ສໍາຄັນໃນອາຊຽນ. ແອເອເຊຍ ໄດ້ເປີດໃຫ້ບໍລິການບິນກົງສູ່ປະເທດລາວຢ່າງຕໍ່ເນື່ອງ ພ້ອມນໍາສະເໜີເສັ້ນທາງບິນເຊື່ອງໂຍງລາວສູ່ 130 ປາຍທາງ ໃນທົ່ວໂລກ.

ປັດຈຸບັນ ແອເອເຊຍ ໃຫ້ບໍລິການຢູ່ໃນປະເທດລາວ 2 ແຂວງ ຄື: ນະຄອນຫຼວງວຽງຈັນ ແລະແຂວງ ຫຼວງພະບາງ. ລວມທັງໝົດແມ່ນ 3 ເສັ້ນທາງການບິນ ຄື: ນະຄອນຫຼວງວຽງຈັນ-ກຸງເທບ, ນະຄອນຫຼວງວຽງຈັນ-ກົວລາລໍາເປີ ປະເທດ ມາເລເຊຍ ແລະກຸງເທບ-ຫຼວງພະບາງ. ນອກນັ້ນ, ຍັງມີສາຍການບິນທີ່ເຊື່ອມຕໍ່ໄປປະເທດອື່ນໆອີກ 71 ສາຍທາງບິນ ເຊັ່ນ: ເກົາຫຼີໃຕ້, ຍີ່ປຸ່ນ, ບາຫຼີ, ຮົງກົງ ແລະສິງກະໂປ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • AirAsia