• ຫວຽດນາມໃຫ້ການຊ່ວຍເຫຼືອປ່ຽນຖ່າຍອຸປະກອນເຕັກໂນໂລຊີ ແກ່ວິທະຍຸກະຈາຍສຽງແຫ່ງຊາດລາວ

ໂດຍ: Admin Mahason 26 ກຸມພາ 2019 (10.48 ນ.) Read : 170

     ເພື່ອຜັນຂະຫຍາຍສົນ ທິສັນຍາ ແລະ ຂໍ້ຕົກລົງແຜນ ການຮ່ວມມືລະຫວ່າງລັດຖະ ບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດ ນາມ ໃນແຕ່ລະປີ, ວັນທີ 24 ກຸມພາ 2019 ນີ້ ທີ່ສຳນັກງານປະທານປະເທດ ສະຫາຍ ບຸນຍັງ ວໍລະຈິດ ເລຂາທິການ ໃຫຍ່ ປະທານປະເທດ ແຫ່ງ ສປປ ລາວ ແລະ ສະຫາຍ ຫງວຽນ ຟູ ຈ້ອງ ເລຂາທິການໃຫຍ່ ປະທານປະເທດ ແຫ່ງ ສສ ຫວຽດນາມ ໄດ້ເຂົ້າຮ່ວມເປັນສັກຂີພິຍານໃນການລົງນາມບັນດາເອກະສານຮ່ວມມື ລະຫວ່າງສອງປະເທດຈຳນວນ 9 ສະບັບ ໃນນັ້ນ, ໄດ້ມີການເຊັນບົດບັນທຶກການຮ່ວມມື ການປະຕິບັດໂຄງການລົງ ທຶນ, ປ່ຽນຖ່າຍອຸປະກອນເຕັກໂນໂລຊີໃຫ້ແກ່ວິທະຍຸກະຈາຍສຽງ ແຫ່ງຊາດລາວ ຊຶ່ງເຊັນໂດຍ ສະຫາຍ ບໍ່ແສງຄຳ ວົງດາລາ ກຳມະການສູນກາງພັກ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ກັບສະຫາຍ ຫງວຽນ ເຖກີ ກຳມະການສູນກາງພັກ ກອມມູ ນິດຫວຽດນາມ ຜູ້ອຳນວຍການໃຫຍ່ວິທະຍຸກະຈາຍສຽງ ແຫ່ງ ສສ ຫວຽດນາມ.

     ໃນບົດບັນທຶກໄດ້ລະບຸບາງເນື້ອໃນສຳຄັນວ່າ: ຫວຽດ ນາມ ຍິນດີໃຫ້ການຊ່ວຍເຫຼືອ ປ່ຽນໃໝ່ລະບົບເຄື່ອງສົ່ງ FM ໃຫ້ທັນສະໄໝກວ່າເກົ່າ ເພື່ອຍົກ ສູງຄຸນນະພາບ ແລະ ເປີດ ກວ້າງຂອບເຂດການກະຈາຍສຽງໃຫ້ວິທະຍຸກະຈາຍສຽງແຫ່ງຊາດລາວ ທີ່ນະຄອນຫຼວງວຽງຈັນ ແລະ ຂົງເຂດໃກ້ຄຽງ, ຊ່ວຍປ່ຽນ ລະບົບເຄື່ອງສົ່ງດ້ວຍການນຳໃຊ້ OTT ໃນລະບົບອິນເຕີແນັດ ເພື່ອກະຈາຍລາຍການທັງພາຍໃນ ແລະ ຕ່າງປເທດຂອງວິທະຍຸກະຈາຍສຽງແຫ່ງຊາດລາວ, ປັບປຸງລະບົບເຄື່ອງກະຈາຍສຽງ FM 10 kw ທີ່ສະຖານີເຄືອຂ່າຍສົ່ງຕໍ່ແຂວງຫຼວງພະບາງ, ປັບປຸງລະບົບກະຈາຍສຽງ FM 10 kw ທີ່ສະຖານີເຄືອຂ່າຍສົ່ງຕໍ່ແຂວງຈຳປາສັກ ແລະ ຊ່ວຍເຫຼືອດ້ານອື່ນໆ ຈຳນວນໜຶ່ງໃຫ້ແກ່ວິທະຍຸກະຈາຍ ສຽງແຫ່ງຊາດລາວ.


ທີ່ມາ: ນສພ ປະຊາຊົນ
  • ແທັກທີ່ກ່ຽວຂ້ອງ