• ເລີ່ມວາງຄານແລ້ວຢູ່ທີ່ຢູນານວິຊາການຄາດວ່າຈະສຳເລັດພາຍໃນ 3 ເດືອນ

ໂດຍ: Admin Mahason 29 ມີນາ 2019 (15.00 ນ.) Read : 632

     ສໍານັກຂ່າວຊິນຫົວ ໄດ້ເຜີຍແຜ່ວີດີໂອທີ່ຖືກບັນທຶກໄວ້ເມື່ອບໍ່ດົນມານີ້ ຂອງຂະບວນການເລີ່ມຕົ້ນວາງຄານ ອັນເປັນ ສ່ວນຫນຶ່ງໃນໂຄງການກໍ່ສ້າງຂົວເສັ້ນທາງລົດໄຟລາວ-ຈີນທີ່ສໍາຄັນ ໃນແຂວງຢູນນານ ທາງພາກຕາເວັນຕົກສຽງໃຕ້ ຂອງຈີນ.
     ທັງນີ້ ຫວັງ ກວນອີງ ເຈົ້າຫນ້າທີ່ຈາກບໍລິສັດ ໄຊນ່າ ເຣວເວ ທະເວັນຕິເຊັກເກີນ ບູໂຣ ກຣຸບ ຈໍາກັດ ໄດ້ໃຫ້ສໍາພາດວ່າ ເຖິງແມ່ນວ່າ ໂຮງງານຜະລິດຄານຈະຢູ່ບໍ່ໄກຈາກທີ່ຕັ້ງຂອງຂົວແຫ່ງນີ້ ແຕ່ວັດສະດຸນ້ໍາຫມັກຫຼາຍກວ່າ 8 ຕັນ
     ທີ່ຕ້ອງໃຊ້ໃນການກໍ່ສ້າງຂົວແມ່ນຖືກ ສົ່ງມາຈາກສະຖານທີ່ຕ່າງໆ ທັງຈາກປະເທດລາວ, ຄຸນຫມິງ, ແລະ ກຸ້ຍໂຈ່ ທີ່ຢູ່ຫ່າງອອກໄປຫຼາຍພັນກິໂລແມັດ ເຮັດໃຫ້ ຂະບວນການວາງຄານຄາດວ່າຈະໃຊ້ເວລາທັງຫມົດ 3 ເດືອນ.
     ຫວັງ ກວນອີງ ຍັງກ່າວຕື່ມອີກວ່າ “ພວກເຮົາຄັດເລືອກມາແຕ່ວັດສະດຸທີ່ມີຄຸນນະພາບສູງ ເພື່ອຮັບປະກັນເລື່ອງຄຸນນະພາບຂອງຂົວແຫ່ງນີ້” ເຊິ່ງມີຄວາມຍາວຫຼາຍກວ່າ 3.5 ກິໂລແມັດ ແລະ ປະກອບດ້ວຍເສົາ 108 ຕົ້ນ.
     ຂົວດັ່ງກ່າວເປັນສ່ວນຫນຶ່ງຂອງທາງລົດໄຟ 414,3 ກິໂລແມັດ ທີ່ຈະເຊື່ອມຕໍ່ລະຫວ່າງປະຕິຊາຍແດນບໍ່ຫານ-ບໍ່ເຕັນ ທາງພາກເຫນືອ ຂອງປະເທດລາວ ເຂົ້າກັບນະຄອນຫຼວງວຽງຈັນ.
     ໂຄງການເສັ້ນທາງລົດໄຟລາວ-ຈີນ ເປັນສ່ວນຫນຶ່ງໃນແຜນ “ຫນຶ່ງແລວ ຫນຶ່ງເສັ້ນທາງ” ຂອງຈີນທີ່ເລີ່ມຕົ້ນຂຶ້ນໃນປີ 2016 ແລະ ມີ ກໍານົດຈະເປີດໃຊ້ງານມາຍໃນປີ 2021.
     ທ່ານຫວັງ ຍັງກ່າວອີກວ່າເຫດຜົນທີ່ເສັ້ນທາງລົດໄຟແຫ່ງນີ້ທີ່ຕ້ອງປະກອບໄປດ້ວຍອຸໂມງ ແລະ ຂົວຈໍານວນຫລາຍ ກໍເພາະຈຸດປະສົງຂອງໂຄງການຄືການອະນຸຮັກດິນ, ປົກປ້ອງພື້ນທີ່ປູກຝັງ, ແຫຼ່ງນຳ້, ແລະ ປ່າຢ່າງມີປະສິດທິພາບ.
    

ທີ່ມາ: ຟັງຂ່າວ99
  • ຮູບພາບ

  • ແທັກທີ່ກ່ຽວຂ້ອງ