• ຜູ້ໂຊກດີໄດ້ຮັບລາງວັນລົດໃຫຍ່ REVO ມາຮັບລົດແລ້ວ

ໂດຍ: ສີເປື້ອນມື 30 ເມສາ 2019 (14.47 ນ.) Read : 916

ລາວ ໂທລະຄົມໄດ້ຈັດພິທີມອບ-ຮັບ ລາງວັນລົດໃຫຍ່ TOYOTA Revo ໃຫ້ລູກຄ້າຜູ້ທີ່ໂຊກດີ ຈາກໂຄງການ ຂູດບັດລຸ້ນໂຊກ ໃນວັນທີ 29 2019 ຜ່ານມາ ທີ່ຜາມໄຊແຄມຂອງ ທ່າວັດຈັນ ນະຄອນຫຼວງວຽງຈັນ. ໃຫ້ກຽດເຂົ້າຮ່ວມພິທີດັ່ງກ່າວມີ: ທ່ານ ຈິດປະສົງ ໜູແກ້ວໄກສອນ ຮອງຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ, ທ່ານ ປິຍະວັດ ຈະຣິຍະເສດທະພົງ ຮອງຜູ້ອໍານວຍການໃຫຍ່ ລາວ ໂທລະຄົມມະນາຄົມ ມະຫາຊົນ,  ທ່ານ ສຸພົນ ຈັນທະວີໄຊ ຮອງຜູ້ອໍານວຍການໃຫຍ່ ລາວ ໂທລະຄົມ, ທ່ານ ປາວາລິດ ອ່ຽມອໍາ ຮອງຜູ້ອໍານວຍການໃຫຍ່ ລາວ ໂທລະຄົມ, ທ່ານ ຄອນສະຫວັນ ທໍາມະສອນ ຫົວໜ້າຄະນະກວດສອບພາຍໃນ ລາວ ໂທລະຄົມ ແລະທ່ານ ທັນສະໄໝ ຊາມຸນຕີ ຫົວໜ້າຄະນະພັດທະນາຄຸນນະພາບການບໍລິການ ລາວ ໂທລະຄົມ ພ້ອມດ້ວຍພະນັກງານຂອງ ລາວ ໂທລະຄົມ.

ລູກຄ້າຜູ້ໂຊກດີທີ່ໄດ້ຮັບລາງວັນລົດໃຫຍ່ TOYOTA Revo ໄດ້ແກ່: ທ່ານ ຄໍາແດງ ໄທແກ່ນ ຢູ່ບ້ານ ໃໝ່ ເມືອງ ຊຽງຮອນ ແຂວງ ໄຊຍະບູລີ ເປັນເຈົ້າຂອງໝາຍເລກໂທລະສັບ: 020 52597xxx ເຊິ່ງໄດ້ຈາກການຂູດບັດຕື່ມເງິນມູນຄ່າ 10.000 ກີບ. ລາງວັນດັ່ງກ່າວ ເປັນລາງວັນລົດໃຫຍ່ຄັນທໍາອິດຂອງປີ 2019 ແລະເປັນລົດໃຫຍ່ຄັນທີ 9 ທີ່ ລາວ ໂທລະຄົມ ໄດ້ມອບໂຊກເພື່ອຄືນກໍາໄລໃຫ້ແກ່ລູກຄ້ານັບຕັ້ງແຕ່ປີ 2011 ເປັນຕົ້ນມາ ເຊິ່ງມີລາງວັນລວມທັງໝົດ 160.000 ກວ່າລາງວັນ ແລະໄດ້ເພີ່ມຈໍານວນ ແລະມູນຄ່າຂອງລາງວັນຂຶ້ນເລື້ອຍໆໃນແຕ່ລະປີ.

ລາງວັນທີ່ແຈກຜ່ານມາມີດັ່ງນີ້: ລົດໃຫຍ່ TOYOTA Fortuner ຈໍານວນ 03 ຄັນ, ລົດໃຫຍ່TOYOTA Revo 01 ຄັນ (ລາງວັນມອບຄັ້ງນີ້), ລົດໃຫຍ່ Hyundai Accent Blue ຈໍານວນ 02 ຄັນ, ລົດໃຫຍ່ Chevrolet Sail Hatchback ຈໍານວນ 03 ຄັນ, ລົດຈັກ Honda Wave 10 ຈໍານວນຫຼາຍກວ່າ 350 ຄັນ, ລົດຈັກ Honda MSX, YAMAHA FINO, I-Pad, I-Phone, Computer Laptop, Net book Samsung ແລະລາງວັນອື່ນໆ.

ສໍາລັບລາງວັນທີ່ຍັງເຫຼືອມີ ລົດໃຫຍ່ TOYOTA Fortuner ຈໍານວນ 01 ຄັນ, ລົດໃຫຍ່ TOYOTA Revo ຈໍານວນ 01 ຄັນ, ລົດເກັງ All New VIOS ຈໍານວນ 02 ຄັນ ແລະລາງວັນອື່ນໆຕື່ມອີກຢ່າງຫຼວງຫຼາຍ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • #LaoTelecom