• Alibaba ປະສົບຄວາມສຳເລັດໃນການໃຊ້ໂດຣນຂົນສົ່ງສິນຄ້າ

ໂດຍ: 09 ພະຈິກ 2017 (12.14 ນ.) Read : 469

ວັນທີ 8 ພະຈິກຜ່ານມາ ອາລີບາບາ ບໍລິສັດຍັກໃຫ່ຍດ້ານອີຄອມເມີດ ລາຍໃຫ່ຍຂອງຈີນ ໄດ້ນຳເອົາໂດຣນ 3 ລຳ ສົ່ງສິນຄ້າເປັນຄັ້ງທຳອິດ ໂດຍບັນທຸກເຄື່ອງ 6 ກ່ອງນ້ຳໜັກລວມ 12 ກິໂລ ບິນອອກຈາກຝັ່ງເມືອງຜູຖຽນ ມົນທົນເຈີ້ຈຽງທາງພາກຕາເວັນອອກຂອງຈີນ ບິນໄປທີ່ເກາະ ເໝຍໂຈວທີ່ຕັ້ງຢູ່ໃກ້ຄຽງ ຊຶ່ງປະເມີນວ່າສາມາດປະຢັດເວລາໄດ້ເຄິ່ງໜຶ່ງ ແລະສາມາດຫລຸດຕົ້ນທຶນການຂົນສົ່ງ

ໂດຣນແຕ່ລະລຳຊຶ່ງສາມາດບັນທຸກເຄື່ອງນ້ຳໜັກສູງສຸດ 7 ກິໂລ ໃຊ້ເວລາປະມານ 9 ນາທີ ໃນການບິນຂ້າມທະເລໄກ 5 ກິໂລແມັດ ໂດຣນເຫລົ່ານີ້ຖືກພັດທະນາໂດນໜ່ວຍຂົນສົ່ງ ຂອງອາລີບາບາ ຣູຣອນ ເຖົາເປົ່າ ແພຣດຟອມຊື້ຂາຍເຄື່ອງອອນລາຍໃນຊົນນະບົດ ແລະບໍລິ ສັດເທັກໂນໂລຊີພາຍໃນປະເທດ

ການທົດລອງໃຊ້ໂດຣນດັ່ງກ່າວເນື່ອງຈາກອາລີບາບາໄດ້ກຽມໄວ້ເປັນພິເສດເພື່ອຕ້ອນຮັບ ເທດສະການຊ໊ອບປິ້ງ ວັນຄົນໂສດ ຊຶ່ງກົງກັບວັນທີ 11 ພະຈິກນີ້ ໂດຍວັນດັ່ງກ່າວຖືເປັນມະ ຫະກຳຊື້ຂາຍເຄື່ອງອອນລາຍທີ່ຄຶດຄື້ນທີ່ສຸດໃນຈີນ ນອກຈາກນີ້ອາລີບາບາຍັງວາງແຜນ ໃຊ້ໂດຣນສົ່ງສິນຄ້າປະເທດອາຫານສົດ ແລະອຸປະກອນຢາ ເວດສະພັນ

ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ