• 12-13 ຕຸລາ ອອກພັນສານີ້ ຢ່າລືມມາຖ່າຍຮູບງາມໆນໍາກັນ

ໂດຍ: ສີເປື້ອນມື 12 ຕຸລາ 2019 (23.34 ນ.) Read : 1,063

#ອອກພັນສານີ້... ທ່ານມີບ່ອນທ່ຽວ ຫຼື ຍັງ?

ເປັນອີກໜຶ່ງສະຖານທີ່ທ່ອງທ່ຽວທີ່ພວມໄດ້ຮັບຄວາມນິຍົມຈາກມວນຊົນຢ່າງຫຼວງຫຼາຍ ນັ້ນກໍຄື ສະຖານທີ່ທ່ອງທ່ຽວທາງວັດທະນະທຳບ້ານນາຊາຍທອງ ຊຶ່ງພາຍຫຼັງທີ່ເປີດຢ່າງເປັນທາງການເມື່ອເດືອນເມສາຜ່ານມາກໍໄດ້ຮັບຄວາມນິຍົມ ແລະ ກະແສຕອບຮັບຈາກສັງຄົມເປັນຢ່າງດີ.

ໂອກາດດັ່ງກ່າວ ທ່ານ ນາງ ທິດາສະຫວັນ ຫຼວງລາດ (ຕົວແທນຜູ້ບໍລິຫານສະຖານທີ່ທ່ອງທ່ຽວທາງວັດທະນະທຳບ້ານນາຊາຍທອງ) ໄດ້ກ່າວວ່າ: ສຳລັບເທສະການບຸນອອກພັນສານີ້ ສະເພາະໃນວັນທີ 12-13 ຕຸລາ 2019 ນີ້ທາງສະຖານທີ່ທ່ອງທ່ຽວຂອງພວກເຮົາມີໂປຣໂມເຊິນຫຼາກຫຼາຍໃຫ້ບັນດາທ່ານທີ່ເຂົ້າມາຢ້ຽມຊົມ ບໍ່ວ່າຈະເປັນການຫຼຸດລາຄາຄ່າເຂົ້າ ຈາກປົກກະຕິ 90.000 ກີບຕໍ່ຄົນແມ່ນເຫຼືອພຽງ 60.000 ກີບຕໍ່ຄົນ (ສະເພາະວັນທີ 12-13 ຕຸລາ 2019) ຊຶ່ງໃນລາຄາ 60​.000 ກີບທ່ານຈະໄດ້ນຸ່ງທັງເຄື່ອງແບບທຳມະຊາດ ແລະ ຊຸດແບບ VIP ແລະ ອີກໜຶ່ງໂປຣໂມເຊິນໃໝ່ນັ້ນກໍຄື ຜູ້ໃຫຍ່ທີ່ມາ 2 ຄົນ (ຟຣີ) ເດັກນ້ອຍ 1 ຄົນ.

ນອກຈາກນີ້ ໃນກິດຈະກຳຕໍ່ໄປທີ່ຈະຈັດກໍຄື ໂປຣໂມເຊິນລຸ້ນໂຊກທ່ຽວເກົາຫຼີ ຈຳນວນ 2 ບ່ອນນັ່ງ ພຽງແຕ່ທ່ານເຂົ້າມາທ່ຽວສະຖານທີ່ຂອງພວກເຮົາທ່ານກໍຈະໄດ້ຮັບຄູປ໋ອງລຸ້ນໂຊກທັນທີ 1 ທ່ານຕໍ່ 1 ໃບ ຊຶ່ງການຈັບສະຫຼາກມອບໂຊກແມ່ນຈະຈັດຂຶ້ນໃນເດືອນມິຖຸນາ 2020.

ສະຖານທີ່ທ່ອງທ່ຽວທາງວັດທະນະທຳບ້ານນາຊາຍທອງຕັ້ງຢູ່ບ້ານນາຊາຍເໜືອ ເມືອງນາຊາຍທອງ ນະຄອນຫຼວງວຽງຈັນ ເປີດໃຫ້ເຂົ້າຊົມທຸກວັນເສົາ ແລະ ອາທິດ ເວລາ 08:00-17:00 ໂມງ (ພິເສດໃນວັນທີ 12-13 ຕຸລານີ້ແມ່ນເປີດໄປຈົນເຖິງເວລາ 20:00 ໂມງ) ເພື່ອໃຫ້ບັນດາທ່ານໄດ້ຖ່າຍຮູບກັບໂຄມໄຟທີ່ໄດ້ກຽມໄວ້ທຸກຈຸດສຳລັບຖ່າຍຮູບ.


ທີ່ມາ:

  • ຮູບພາບ

  • ແທັກທີ່ກ່ຽວຂ້ອງ