• ເປີດເປັນທາງການ! ຫໍພິພິຕະພັນ ວຽງຈັນສິລະປະຮ່ວມສະໄໝ

ໂດຍ: ສີເປື້ອນມື 20 ກຸມພາ 2019 (15.51 ນ.) Read : 1,172

ໃນວັນທີ 20 ກຸມພາ 2019 ໄດ້ມີການຈັດງານເປີດຫໍພິພິຕະພັນ ວຽງຈັນສິລະປະຮ່ວມສະໄໝ ຢ່າງເປັນທາງການ VIENTIANE MUSEUM OF CONTEMPORARY ARTS” ທີ່ບ້ານຊ້າງຄູ້ ເມືອງ ໄຊທານີ ນະຄອນຫຼວງວຽງຈັນ .ພາຍໃຕ້ການເປັນປະທານຂອງທ່ານ ພິຊິດ ໄຊຍະທິດ ປະທານ ຫໍພິພິຕະພັນວຽງຈັນສິລະປະຮ່ວມສະໄໝ ພ້ອມດ້ວຍພັນລະຍາ ແລະໃຫ້ກຽດເຂົ້າຮ່ວມໄດ້ແກ່: ທ່ານ ນາງ ນາລີ ສີສຸລິດ ພັນລະຍາ ທ່ານນາຍົກລັດຖະມົນຕີ ແຫ່ງ ສປປ ລາວ, ທ່ານ ປອ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ສົມສະຫວາດ ເລັງສະຫວັດ ອະດີດຮອງນາຍົກລັດຖະມົນຕີ ແຫ່ງ ສປປ ລາວ ແລະທ່ານ ບົວສອນ ບຸບຜາວັນ ອະດີດ ນາຍົກລັດຖະມົນຕີແຫ່ງ ສປປ ລາວ ແລະ ພ້ອມດ້ວຍບັນດານັກທຸລະກິດ, ການນໍາພັກລັດ ແລະແຂກທີ່ຖືກເຊີນ.

ຫໍພິພິຕະພັນດັ່ງກ່າວ ໄດ້ຈັດວາງສະແດງຜະລິດຕະພັນໄມ້ແກະສະຫຼັກ ທີ່ມີຄວາມສວຍງາມ ແລະມະຫັດສະຈັນທີ່ຫຼາຍຄົນອາດຈະບໍ່ເຄີຍເຫັນມາກ່ອນ ບໍ່ວ່າຈະເປັນການແກະເປັນຮູບປັ້ນ ແລະລວດລາຍຕ່າງໆ ເຊິ່ງຜະລິດຈາກຕົ້ນໄມ້ທີ່ໄຮ້ຄ່າ ພ້ອມດຽວກັ້ນນັ້ນ, ຍັງເປັນການສະແດງໃຫ້ເຫັນເຖິງ ສິລະປະ, ສີໄມ້ລາຍມືຂອງຄົນລາວເຮົາ ທີ່ຜ່ານການຄວັດ, ແກະສະຫຼັກອອກມາເປັນຮູບຕ່າງໆ ທີ່ເຫັນແລ້ວໜ້າປະທັບໃຈໃຮສີມືຂອງຄົນລາວ ແລະທໍາມະຊາດບ້ານເຮົາຢ່າງແນ່ນອນ.

ທ່ານ ພິຊິດ ໄຊຍະທິດ ປະທານ ຫໍພິພິຕະພັນວຽງຈັນສິລະປະຮ່ວມສະໄໝ ໄດ້ກ່າວວ່າ: ຕົນເອງໄດ້ສະສົມໄມ້ເຫຼົ່ານີ້ມາເປັນເວລາ 10 ກວ່າປີ ເຊິ່ງເລີ່ມຈາກການສະສົມເທື່ອລະໜ້ອຍ ມາເຖິງປັດຈຸບັນມີໄມ້ທີ່ແກະສະຫຼັກຢ່າງສວຍງາມປະມານ 10.000 ກວ່າອັນແລ້ວ. ຍ້ອນເຫັນເຖິງຄຸນຄ່າຂອງຊາກໄມ້ທີ່ຖືກທໍາລາຍ ແລະນໍາເອົາຊາກໄມ້ທີ່ຖືກຕັດຖິ້ມ ຫຼືຈູດຖິ້ມ ມາຕົກແຕ່ງດ້ວຍການແກະສະຫຼັກເພີ່ມລວດລາຍ, ເພີ່ມສີສັນໃຫ້ໄມ້ເຫຼົ່ານັ້ນ ເປັນເຄື່ອງຂອງອະນຸລັກ ແລະຊັບສິນຂອງປະເທດລາວອີກຄັ້ງ.


ທີ່ມາ:

  • ຮູບພາບ